Աֆղանական Կունդուզ նահանգում տեղի ունեցած պայթյունի արդյունքում 7 մարդ է զոհվել: BBC-ի փոխանցմամբ, մահապարտը գործի է դրել Չարդարա շրջանի վարչական շենքում տեղադրված պայթուցիկ սարքը: Զոհերի թվում կան տեղական իշխանության բարձրաստիճան ներկայացուցիչներ, նաեւ չորս բնակիչներ: Իրականացված պայթյունի պատասխանատվությունը ստանձնել է «Թալիբան» շարժումը: Հիշեցնենք, որ Չարդարա շրջանի նախկին ղեկավարը զոհվել էր անցյալ տարվա հոկտեմբերին, դարձյալ ահաբեկչական ակտի՝ պայթյունի արդյունքում:
