Էստոնիայի հասարակական կազմակերպություններից մեկը՝ «Բալթյան հուշամատյանը» թողարկել է Միխայիլ Խոդորկովսկու եւ Պլատոն Լեբեդեւի պատկերներով միջազգային փոստային նամականիշ: Նամականիշի նմուշը տեղադրվել է կազմակերպության վեբ-կայքում: 0005723 Eesti Post սերիայի այդ համարանիշի արժեքը 58 եվրոցենտ է:
Կազմակերպության մամուլի հաղորդագրությունում ասված է, թե նամականիշը թողարկվել է «ի պատիվ մեր ժամանակների երկու ականավոր մարդկանց՝ Միխայիլ Խոդորկովսկու եւ Պլատոն Լեբեդեւի, անկոտրում կամքի տեր մարդկանց, սեփական արժանապատվության խիստ զգացում ունեցող մարտիկների»:
