Փետրվարի 9-ին ահազանգ էր ստացվել, որ Երեւանի Ա. Խաչատրյան փողոցի թիվ 11 շենքի 77-րդ բնակարանի բնակիչը չի արձագանքում դռան ու հեռախոսի զանգերին եւ դուռը բացելու համար անհրաժեշտ է փրկարարների օգնությունը:
Իրավապահ մարմինների ներկայությամբ փրկարարների կողմից բացվել է բնակարանի դուռը, որտեղ անգիտակից վիճակում հայտնաբերվել է Իրանի Իսլամական Հանրապետության քաղաքացի՝ 18-ամյա Արսալան Քյարամին: Տուժածին ցուցաբերվել է առաջին բուժօգնություն եւ հանձնվել շտապօգնության աշխատակիցներին:
