ՀՀ ոստիկանության մամուլի ծառայության տեղեկացմամբ՝ երեկ քրեական գործ է հարուցվել ՀՀ ՔՕ 157 հոդվածի 2-րդ մասով (աշխատանքի պաշտպանության կանոնների խախտում, որն անզգուշաբար հանգեցրել է մարդու մահվան): Նախօրեին Բուզանդի փողոցի 89 շենքի մոտ 8 տոննանոց վերամբարձ կռունկի շրջվելու հետ կապված մահացել էր կռունկավարը՝ Վոլոդյա Կարապետյանը: 1 քաղաքացի մարմնական վնասվածքներ է ստացել: Կռունկը ունեցել է թերություն՝ կապված արգելակման համակարգի հետ, սակայն տվյալ թերությունը չէր վերացվել: Հիշեցնենք, որ վերամբարձ կռունկը պատկանում է «MLL Industries» ընկերությանը:
