![\"\"](\"https://www.aravot.am/2011/aravot_arm/February/10/p16.jpg\")
Չորեքշաբթի օրը Միլանի դատախազությունը Իտալիայի վարչապետ Սիլվիո Բեռլուսկոնիին մեղադրանք է առաջադրել: Վերջինս կասկածվում է անչափահասի հետ սեռական կապերի եւ պաշտոնեական դիրքը չարաշահելու մեջ: Համապատասխան հարցումը երեկ արդեն ուղարկվել է դատարան: Newsru-ի մատուցմամբ, մեղադրող կողմը դատարանից պահանջել է առանց ձգձգումների քննարկել գործի նյութերն ու յոլա գնալ առանց նախնական լսումների: Դատավորն իր տրամադրության տակ ընդամենը հինգ օր ունի որոշելու համար՝ բավարարե՞լ, թե՞ մերժել դատախազության հարցումը: Փետրվարի վերջերին եւ մարտի կեսերին վերսկսվելու են վարչապետ Բեռլուսկոնիին առնչվող նաեւ երկու այլ դատական պրոցեսներ, որոնց շրջանակներում վարչապետը մեղադրվում է կոռուպցիայի մեջ: Եթե Սիլվիո Բեռլուսկոնիի մեղքը դատարանում հաստատվի՝ նա կարող է դատապարտվել մինչեւ 15 տարվա ազատազրկման:
