Խորհրդարանը երեկ քննարկեց «Աշխատանքային օրենսգրքում փոփոխություններ եւ լրացումներ կատարելու մասին» օրինագիծը, ըստ որի՝ նախատեսում է ավելացնել աշխատաժամերը՝ հանգստյան օրերի կամ աշխատանքային օրն ավելացնելու հաշվին, այսինքն՝ առաջարկվում է օրենքով սահմանել վեցօրյա աշխատանքային շաբաթ: Ընդդիմադիր պատգամավորների՝ Լարիսա Ալավերդյանի, Արա Նռանյանի, Արծվիկ Մինասյանի կարծիքով, կոալիցիան այսպիսով օրինականացնում է արտաժամյա աշխատանքը, որն իրավունք է տալիս գործատուին շահագործել աշխատողին՝ չվճարելով ավելորդ ժամերի համար:
