«Բարգավաճ Հայաստան» կուսակցության կողմից իրականացվող բժշկական բարեգործական ակցիաները իրականացվում են «Էրեբունի» բժշկական կենտրոնի ֆինանսավորմամբ, այսինքն՝ իմ միջոցներով»,- խորհրդարանական հարցուպատասխանի ժամանակ պատասխանելով Անահիտ Բախշյանի հարցին՝ հայտարարեց առողջապահության նախարար Հարություն Քուշկյանը: Ի պատասխան տիկին Բախշյանի հարցի՝ արդյոք այդ կարգի բարեգործական ակցիաները, որ իրականացնում են թե ԲՀԿ-ն եւ թե Հանրապետականը, օրենքի շրջանակո՞ւմ են, նախարարն ասաց, թե առողջապահության նախարարությունը միայն ողջունում է նման ակցիաների իրականացումը հանրապետության մարզերում, եւ որ այդ միջոցառումները բխում են սոցիալապես անապահով խավերի շահերից. «Բնակչությունը նման ակցիաների կարիքն ունի, եւ այդ ակցիաները չեն իրականացվում պետական բյուջեի հաշվին»:
