Երեկ ձերբակալվել է Լոռու մարզի Ախթալայի լեռնահարստացուցիչ կոմբինատի գլխավոր տնօրեն, ՀՀ վարչապետի նախկին խորհրդական, ԱՄՆ քաղաքացի Սերոբ Տեր-Պողոսյանը: Նախաքննությունն իրականացնող ԱԱԾ քննչական վարչությունը հաղորդումն ընդունել է Ախթալայի բնակիչ Փարսադանյանից, ըստ որի՝ 2009-2010 թվականներին նյութական օգնություն ցուցաբերելու պատրվակով Տեր-Պողոսյանը իր տանը հարկադրել է անչափահաս տղային գործողություններ կատարել: Հարուցվել է քրեական գործ (սեքսուալ բնույթի գործողություններ կատարելու հատկանիշներով), որի հսկողությունն իրականացնում է ՀՀ գլխավոր դատախազության ԱԱԾ մարմինների գործերը քննող վարչությունը:
