Ստալինի արձանի փոխարեն՝ պատերազմի զոհերի հուշահամալիր

Արդեն որոշված է, որ Վրաստանում՝ Գորի քաղաքում նախկինում տեղադրված եւ ապամոնտաժված Ստալինի արձանի տեղում կկանգնեցվի 2008թ. պատերազմի զոհերի հուշարձանը, որի հեղինակները Թամար Քվեսիթաձեն ու Պաատա Սանայան են: Այդ մասին հաղորդում է ՀԼԸ-ծՏՉՏրՑՌ-ին՝ վկայակոչելով Վրաստանի մշակույթի նախարարությունը: Գորիի քաղաքային իշխանությունների դեռ 2010թ. հունիսին մրցույթ էին հայտարարել լավագույն քանդակի համար, որը առաջ շարժվող եւ 2008թ. պատերազմի ու նաեւ ստալինյան ռեպրեսիաների արդյունքում զոհված անձանց խորհրդանշող 11 մերկ ֆիգուրների կոմպոզիցիա էր լինելու: Ընդհանուր առմամբ մրցույթին ներկայացված է եղել 42 նախագիծ, որոնց էսքիզները հունվարի վերջին ներկայացվել էին Թբիլիսիում կազմակերպված ցուցահանդեսում:

Հիշեցնենք, որ Ստալինի արձանը Գորիի քաղաքային իշխանությունների կողմից հրապարակից հանվել էր 2010թ.-ին եւ տեղափոխվել էր քաղաքում գործող Ստալինի տուն-թանգարանի տարածք: