ԱԻՆ փրկարար ծառայության տեղեկացմամբ՝ Շիրակի մարզի Առափի գյուղապետ Այվազյանից ստացվել է տեղեկատվություն, որ գյուղի գերեզմանատան հարակից տարածքում ակտիվացել է սողանքային գոտին:
Փրկարարները տեղում պարզել են, որ առաջացել է ճեղքվածք՝ մոտ 60 մ երկարությամբ, 20 սմ լայնությամբ եւ 30-40 սմ խորությամբ (սողանքային զանգվածը՝ մոտ 4500-5000 խմ): Սողանքային վտանգավոր գոտում գտնվում են 7 բնակելի տուն եւ գյուղի միջնակարգ դպրոցը:
