Երեկ ՀՀ ոստիկանապետ Ալիկ Սարգսյանի հրամանով աշխատանքից ազատվել եւ ոստիկանության կադրերի տրամադրության տակ է ուղարկվել ոստիկանության Կոտայքի մարզային վարչության պետ Իշխան Իշխանյանը։ Ոստիկանապետի մեկ այլ հրամանով ոստիկանության գնդապետ Գրիշա Բադալյանը նշանակվել է ոստիկանության Կոտայքի մարզային վարչության պետ՝ ազատվելով Արագածոտնի մարզի ոստիկանապետի պաշտոնից։ Ոստիկանության գնդապետ Մարգար Մելքոնյանը ազատվել է ոստիկանության Արարատի մարզային վարչության պետի պաշտոնից եւ նշանակվել ոստիկանության Արագածոտնի մարզային վարչության պետ։
