ՊԵԿ մամուլի ծառայությունից երեկ տեղեկացանք, որ Թբիլիսի-Սպիտակ երթուղային տաքսիով Հայաստան ուղեւորվող Վրաստանի քաղաքացի Նաիրա Միքելաձեի մոտ հայտնաբերվել է շուրջ 5,5 կիլոգրամ ընդհանուր քաշով սեւ եւ կարմիր ձկնկիթ: Տիկնոջ անձնական ուղեբեռը զննման էր ենթարկվել Գոգավան-Պրիվոլնոյե մաքսակետում: Հենց այդտեղ էլ ՊԵԿ-ի Նախաբացթողումային հսկողության վարչության աշխատակիցները պարզել են, որ Վրաստանի քաղաքացու կողմից ապակյա տարաներով տեղափոխվող ձկնկիթը հայտարարագրված չէ:
Փաստի առթիվ կազմվել է արձանագրություն: Ն. Միքելաձեից վերցվել է բացատրություն, իսկ չհայտարարագրված ապրանքն ի պահ է հանձնվել «Ձյունիկ սառնարան» ընկերության մաքսային պահեստ:
