![\"\"](\"https://www.aravot.am/2011/aravot_arm/February/8/p1.jpg\")
Ի պատասխան դիտարկմանը, թե գործադիրն ԱԺ-ում թելադրում է իր օրենքները, ԱԺ նախագահ Հովիկ Աբրահամյանն ասաց. «Ո՞վ,… ուրեմն եթե որեւէ մի կառավարության անդամ՝ դա կլինի վարչապետը, թե որեւէ անդամ, կհայտարարի, որ ինքը կարող է թելադրել Ազգային ժողովին, ուրեմն ինքը կարող է երազախաբ լինել, եղա՞վ: Դուք սխալ եք: Եթե մեկ-մեկ կառավարության որոշ անդամներ, բարձրաստիճան չինովնիկներ հայտարարում են, որ ԱԺ-ն չի տալիս հնարավորություն՝ իրենց բարեփոխումներն իրականացնելու, իրենք նույնպես, կոռեկտ ասած, անարդար են, որովհետեւ ԱԺ-ն, կոալիցիան միշտ աջակցել է յուրաքանչյուր նախագծի, որը ներկայացվել է կառավարության կողմից, եւ նպաստել ենք կառավարությանը, որպեսզի կարողանա այս ճգնաժամը հաղթահարել: Դա մենք համարել ենք մեր բոլորի ընդհանուր խնդիրը, իսկ եթե որեւէ չինովնիկ, կառավարության անդամ կամ, չգիտեմ, բարձրաստիճան այլ ղեկավար հայտարարում է, որ ԱԺ-ն, պատգամավորները, օլիգարխ պատգամավորները խաթարում են կառավարության օրինագծերը, իրենք, մեղմ ասած, անարդար են եւ, կոպիտ ասած, ստախոս»:
Կարդացեք
