«Առավոտի» փետրվարի 3-ի «Գյուղական մանկապարտեզը՝ կռվախնձոր» հրապարակման մեջ անդրադարձել էինք Սյունիքի մարզի Ույծ համայնքի օրերս փակված մանկապարտեզի ոդիսականին: Գյուղապետ Արտակ Ավետյանը հերքել էր, որ գյուղի ուսուցչի տունն իրեն է պատկանում եւ նշել, որ տարածքի սեփականաշնորհման գործընթացն առայժմ ավարտված չէ: Մինչդեռ երեկ տեղեկացանք, որ շուրջ 35 մլն դրամ պարտք ունեցող համայնքի ղեկավարը իրեն նվիրաբերած մասնաշենքի սեփականության վկայականն արդեն ստացել է: Տեղեկատվությունը «Առավոտին» հաստատեցին նաեւ Անշարժ գույքի կադաստրի պետական կոմիտեի Սիսիանի տարածքային ստորաբաժանումից:
