Իսլամական կոնֆերանսի երիտասարդական ֆորումի, Ուկրաինայի ադրբեջանցի երիտասարդների միության ու Համաուկրաինական երիտասարդական վեհաժողովի համատեղ նախաձեռնությամբ եւ Ուկրաինայում Ադրբեջանի դեսպանատան աջակցությամբ այդ երկրում փետրվարը հայտարարվել է «Խոջալուի ամիս»: APA-ի մատուցմամբ, Ուկրաինայի ադրբեջանցի երիտասարդների միությունը արտահերթ նիստ է հրավիրել եւ հաստատել է փետրվարի 10-ից Ուկրաինայի մարզերում եւ քաղաքներում մեկնարկելիք «Խոջալուի ցեղասպանությանը» նվիրված՝ «Խոջալուի արդարությունը» անունը կրող միջոցառումների ծրագիրը:
Դրա շրջանակներում փետրվարի 26-ին Նիկոլաեւում, Սիմֆերոպոլում, Դոնեցկում, Դնեպրոպետրովսկում, Խարկովում եւ Կիեւում ստորագրահավաք եւ ավտոարշավ է լինելու, որի մասնակիցները բողոքի ակցիաներ են անցկացնելու Ուկրաինայում ԵԱՀԿ-ի եւ ՄԱԿ-ի անդամ երկրների ներկայացուցչությունների մոտ, որոնց վերջում նաեւ նախաձեռնողների համատեղ հայտարարությունն է հանձնվելու:
