ՀՀ վարչապետ Տիգրան Սարգսյանի որոշումներով երեկ աշխատանքից ազատվել են ՀՀ էկոնոմիկայի նախարարի երկու տեղակալները՝ Մուշեղ Թումասյանն ու Վահե Դանիելյանը: Մուշեղ Թումասյանն ազատվել է ՀՀ էկոնոմիկայի նախարարի տեղակալի պաշտոնից՝ իր դիմումի համաձայն, իսկ Վահե Դանիելյանն ազատվել է նշված նախարարի տեղակալի պաշտոնից՝ այլ աշխատանքի անցնելու կապակցությամբ։
Վարչապետի մեկ այլ որոշմամբ Գարեգին Մելքոնյանն ազատվել է Եվրոպական միությունում Հայաստանի Հանրապետության առեւտրական ներկայացուցչի պաշտոնից՝ այլ աշխատանքի անցնելու կապակցությամբ։ Վարչապետի որոշումով Գարեգին Մելքոնյանը նշանակվել է ՀՀ էկոնոմիկայի նախարարի տեղակալ:
