ԱՄՆ Պետդեպարտամենտը Ադրբեջանում գտնվող իր քաղաքացիներին նախազգուշացրել է «Կասպից ծովի ափին նավթով հարուստ նախկին խորհրդային այդ երկրում» ահաբեկչական սպառնալիքի առկայության մասին: Այդ մասին հաղորդում է news.am-ը՝ վկայակոչելով The Washington Post-ը:
Ադրբեջանում ԱՄՆ դեսպանատան տեղեկատվության համաձայն, «ԱՄՆ քաղաքացիների դեմ հարձակումների պոտենցիալ սպառնալիքը բավական բարձր է»: Ադրբեջանում ԱՄՆ քաղաքացիները «պետք է պահպանեն զգոնությունը՝ հատկապես հասարակական վայրերում»,- ասված է հայտարարության մեջ: Աղբյուրը չի հաղորդել, թե ինչը կարող է սպառնալիքի աղբյուր լինել եւ ով կարող է կանգնած լինել դրա հետեւում:
