Հունվարի 30-ին համայնքի ղեկավարի ընտրություններ տեղի ունեցան Իջեւանի տարածաշրջանի երկու գյուղերում, երկուսում էլ վերընտրվեցին գործող գյուղապետերը: Լուսահովտում 2007 թվականից համայնքը ղեկավարող, հանրապետական Արայիկ Սարհատյանը հաղթեց իր հեռավոր ազգական, նախկին գյուղապետ, անկուսակցական Վոլոդյա Սարհատյանին. իսկ Սարիգյուղում գործող գյուղապետ, ՀՀԿ անդամ Կոմիտաս Էլլարյանը՝ ստանալով 446 քվե, առավելության հասավ անկուսակցական, ներկայումս չաշխատող, 243 քվե ստացած Գագիկ Մադաթյանի նկատմամբ:
Թիվ 40 ընտրատարածքային ընտրական հանձնաժողովի նախագահ Գագիկ Աբովյանից տեղեկացանք, որ ընտրությունների ընթացքում խախտումներ չեն եղել:
