Հինգշաբթի երեկոյան Վաշինգտոնում տեղի է ունեցել Ադրբեջանում ԱՄՆ-ի դեսպան նշանակված Մեթյու Բրայզայի երդմնակալության արարողությունը: Այդ մասին հաղորդում է «Ազատություն» ռ/կ-ն: Այսպիսով, Բրայզան, ում Ադրբեջանում ԱՄՆ-ի դեսպանի պաշտոնում հաստատվելու հարցը ձգձգվում էր անցյալ տարվա մայիսից, ստանձնեց դիվանագիտական այդ պաշտոնը առնվազն մեկ տարով, ու Ադրբեջան կժամանի փետրվարի սկզբին: Ադրբեջանում ԱՄՆ-ի դեսպանի պաշտոնը թափուր էր 2009թ. հուլիսից, ամիսներ անց նախագահ Բարաք Օբաման այդ պաշտոնում առաջարկեց ԱՄՆ-ի փոխպետքարտուղարի տեղակալ, ԵԱՀԿ Մինսկի խմբի նախկին համանախագահ Մեթյու Բրայզայի թեկնածությունը: Այդուհանդերձ, եթե ԱՄՆ Կոնգրեսը չհաստատի նրա թեկնածությունը, Բրայզան ստիպված կլինի վերադառնալ Միացյալ Նահանգներ:
