Միացյալ Նահանգների արեւելյան ափը կրկին հայտնվել է ձյան ուժեղ տեղումների եւ ձնամրրիկի կիզակետում: Վատ եղանակի պատճառով երկրի տարբեր քաղաքներում չեղյալ են համարվել հազարավոր ավիաչվերթներ: Առավել բարդ իրավիճակ է ստեղծվել Նյու Յորքի, Բոստոնի եւ Ֆիլադելֆիայի օդանավակայաններում, ընդհատումներով է աշխատում նաեւ երկաթգիծը, ավտոմայրուղիներում հսկայական խցանումներ են առաջացել: AP-ի մատուցմամբ, ձնաբքի պատճառով Վաշինգտոնը կաթվածահար է եղել, նույնիսկ անհարմարություններ է ստեղծել երկրի նապագահ Բարաք Օբամայի համար: Վերջինս Վիսկոնսիա նահանգից վերադառնալու ճանապարհին իր ավտոշարասյան հետ միասին ստիպված է եղել ավելի քան մեկ ժամ մնալ խցանված ավտոմայրուղում: Ուղղաթիռը, որը Օբամային պետք է հասցներ Սպիտակ տուն, ձյան տեղումների պատճառով չէր կարողացել օդ բարձրանալ:
