Հունվարի 27-ին տեղեկատվություն է ստացվել, որ Երեւանի Մյասնիկյան պողոտայի թիվ 15 տան հարակից տարածքում տեղի է ունեցել ճանապարհատրանսպորտային պատահար: Դեռեւս չպարզված հանգամանքներում՝ Ա. Արոյանին պատկանող «Մերսեդես» մակնիշի 11ՍՏ864 պետհամարանիշով ավտոմեքենան դուրս է եկել երթեւեկելի մասից եւ ընկել հարակից ձորակում գտնվող ավտոտնակների տանիքին: Վարորդ՝ 29-ամյա Ա. Արոյանը բնակիչների ուժերով դուրս է բերվել ավտոմեքենայից եւ հոսպիտալացվել «Էրեբունի» բժշկական կենտրոն:
