Եգիպտոսի մայրաքաղաք Կահիրեի կենտրոնում հարյուրավոր ցուցարարներ, ճեղքելով ոստիկանների շղթան, երթ են անցկացրել՝ պահանջելով քաղաքական ու տնտեսական բարեփոխումներ իրականացնել։ Այդ մասին տեղեկացնում է «Ազատություն» ռ/կ-ն: Ցուցարարները պահանջել են Եգիպտոսի առաջնորդ Հոսնի Մուբարաքի հրաժարականը, որը երեք տասնամյակ կառավարում է երկիրը։ Բախումների, բռնությունների կամ ձերբակալությունների մասին լուրեր չկան։ Երեկվա բողոքի ակցիան անցկացնելու կոչերը տարածվել էին սոցիալական կայքերի միջոցով։ Թունիսի հեղափոխությունից հետո արաբական մի շարք երկրներում գործող վարչախմբերի դեմ բողոքի շարժումներ են սկսվել։
