Պաղեստինցիների ամբոխը հունվարի 24-ի լույս 25-ի գիշերը ջարդուփշուր է արել Ռամալլահում քաթարյան «Ալ-Ջազիրա» հեռուստաալիքի գրասենյակը: News.am-ի մատուցմամբ, պաղեստինյան ինքնավարության կողմնակիցները այդկերպ իրենց բողոքն են հայտնել «Ալ-Ջազիրայի» հրապարակած գաղտնի փաստաթղթերի դեմ, որոնք վկայում են, որ Պաղեստինն աննախադեպ զիջումներ է ցանկացել անել Իսրայելին՝ խաղաղ համաձայնագրի հասնելու համար: Հեռուստաալիքի գրասենյակի ապակիներն ու տեսախցիկները կոտրվել են, գրասենյակը նյութական զգալի վնաս է կրել: Հիշեցնենք, որ «Ալ-Ջազիրայի» հաղորդագրության համաձայն, Աբբասը պատրաստ է եղել ցանկացած զիջում անել Իսրայելին, ընդհուպ մինչեւ Երուսաղեմի հայկական թաղամասերը վերադարձնելը:
