2011թ. մարտից թոշակառուները պլաստիկ քարտերի միջոցով «ՎՏԲ-Հայաստան Բանկից» կստանան իրենց կենսաթոշակները: Դրա համար նրանք պետք է այցելեն բանկի ցանկացած մասնաճյուղ եւ պայմանագիր կնքեն: Այս մասին հայտնում է «Մեդիամաքսը»: Թոշակառուներին անվճար տրվելու են Visa պլաստիկ քարտեր՝ բանկում սպասարկվելու հատուկ պայմաններով: Քարտի միջոցով վճարումներ կատարելիս կենսաթոշակառուներին բանկը տրամադրելու է զեղչեր՝ բժշկական որոշ կենտրոններից, ատամնաբուժարաններից, օպտիկայի խանութներից, դեղատներից եւ այլն: Արդեն կա պայմանագիր՝ աշխատանքի եւ սոցիալական հարցերի նախարարության հետ:
