![\"\"](\"https://www.aravot.am/2011/aravot_arm/January/25/p14.jpg\")
Newsru-ի փոխանցմամբ, Ֆրանսիայի նախագահ Նիկոլա Սարկոզին երկրում սկսվող նախագահական ընտրությունների թեժ փուլում կիբերհանցագործների գործողությունների զոհ է դարձել: Հաքերները կոտրել են Facebook սոցիալական ցանցում Ֆրանսիայի առաջնորդի էջն ու նրա անունից հայտարարել են, թե երկրի ղեկավարը 2012թ. նախագահական ընտրություններում իր թեկնածությունը երկրորդ ժամկետի համար չի առաջադրի: «Հարգելի հայրենակիցներ, նկատի ունենալով այն բացառիկ հանգամանքները, որոնք հայտնի են ամբողջ երկրին, ես որոշում եմ ընդունել նախագահի պաշտոնում վերընտրվելու նպատակով իմ թեկնածությունը 2012թ. նախագահական ընտրություններում չառաջադրել»,- ասված է Սարկոզիի էջում հաքերների կողմից տեղադրված հայտարարության մեջ: Դրա հետ մեկտեղ, Ֆրանսիայի առաջնորդի էջում մի նոր կեղծ խումբ է ստեղծվել, որի անդամները հրավիրվել են մասնակցելու Սարկոզիի՝ իբր, քաղաքականությունից հեռանալու կապակցությամբ 2012թ. մայիսի 6-ին կազմակերպվելիք ֆուրշեթին:
