APA-ի մատուցմամբ, հետաձգվել են Ադրբեջանի եւ Միացյալ Նահանգների միջեւ անվտանգության հարցերով ամենամյա խորհրդակցությունները, որոնք նախատեսվում էին անցկացվել փետրվարի 7-ին՝ Բաքվում:
Այդ մասին հայտարարել է Ադրբեջանի ԱԳՆ խոսնակ Էլհան Պոլուխովը՝ հավելելով, թե հանդիպման նոր ժամկետները կճշգրտվեն դիվանագիտական խողովակներով: Խորհրդակցությունների հետաձգման պատճառների մասին ոչինչ չի հաղորդվում:
Մինչ այս հայտնի էր, որ խորհրդակցություններում ադրբեջանական պատվիրակությունը գլխավորելու է ԱԳ նախարարի տեղակալ Արազ Ազիմովը, իսկ ամերիկյան պատվիրակությունը՝ ռազմաքաղաքական հարցերով պետքարտուղար Էնդրյու Շապիրոն:
