ՀՀ ԳԱԱ-ն, Գիտության եւ առաջատար տեխնոլոգիաների ազգային հիմնադրամը (ԳԱՏԱՀ) եւ ԱՄՆ Քաղաքացիական հետազոտությունների եւ մշակումների հիմնադրամը հայտարարում են Հայաստանում արդեն երրորդ անգամ անցկացվող Ասպիրանտական հետազոտությունների աջակցության ծրագրի մրցույթի արդյունքները: ՀՀ ԳԱԱ համակարգի 7 ասպիրանտների շնորհվել է $5000-ին համարժեք գումար:
Շնորհները տրամադրվել են՝ հիմնվելով երկկողմանի միջազգային փորձագիտական եզրակացությունների վրա. հայտերի առանձին փորձագիտական եզրակացությունները մեկ անգամ եւս համեմատվել են ներկայացված հայտերի հետ՝ հայկական եւ ամերիկյան անկախ փորձագիտական հանձնաժողովների կողմից, ինչից հետո կայացվել է աջակցության վերջնական որոշում՝ առկա ֆինանսական հնարավորությունների սահմաններում: «Ասպիրանտական հետազոտությունների աջակցության ծրագիր–3»-ի հաղթողներն են՝ Մելանյա Գրիգորյանը, Անդրանիկ Չավուշյանը, Աննա Մկրտչյանը, Սերգեյ Աբրահամյանը, Անդրանիկ Դուրգարյանը, Տիգրան Պողոսյանը, Ռաֆայել Միրզոյանը:
