Ըստ news.am-ի, Երեւանի քաղաքապետ Կարեն Կարապետյանը քաղաքապետարանի աշխատակիցների համար ռուսերենի ուսուցման դասընթացներ է կազմակերպել: Լրատվամիջոցի փոխանցմամբ, դասընթացը վարում են ռուսերենի փորձառու մասնագետներ: Այն արդեն սկսել է հունվարի 19-ից եւ տեւելու է 3 ամիս: Դասընթացին մասնակցում են քաղաքապետարանի 26 աշխատակիցներ` վարչությունների պետեր, գլխավոր եւ առաջատար մասնագետներ: News.am-ը հայտնում է նաեւ, որ ավելի վաղ քաղաքապետը հրահանգել է քաղաքապետարանի բոլոր աշխատակիցներին սովորել անգլերեն: Ընդ որում, քաղաքապետը խոստացել է, որ 2011 թվականից կկազմակերպի անգլերենի անվճար դասընթացներ, որին պարտադիր պետք է մասնակցեն քաղաքապետարանի բոլոր աշխատակիցները: Կարեն Կարապետյանը նույնիսկ կատակել է, որ դասընթացներից հետո բոլորին սպասում են քննություններ, իսկ ովքեր չկարողանան հանձնել քննությունը, կազատվեն աշխատանքից:
