Ֆրանսիայում սոցիալական հարցերով սենատի հանձնաժողովը օրինագիծ է ընդունել էֆթանազիայի օրինականացման մասին։
Փաստաթուղթն ընդունվել է 25 կողմ, 19 դեմ, 2 ձեռնպահ ձայնով։ Սենատի նիստում օրենքը կքննարկվի հունվարի 25-ին, այնուհետեւ առաջարկը կուղարկվի խորհրդարանի հաստատմանը։ Ինչպես գրում է l’Express թերթը, որին հղում է անում tert.am-ը, փաստաթղթի առաջին հոդվածում ասվում է, որ «յուրաքանչյուր չափահաս մարդ, որն ունի զարգացման կամ վերջնական փուլում գտնվող հիվանդություն կամ ծանր անբուժելի ախտորոշում, եւ որ դրա պատճառով ֆիզիկապես կամ հոգեպես տանջվում է, կարող է խնդրել դեղամիջոցային օգնություն, որը մտադրված գործողությունների միջոցով հնարավորություն է տալիս արագ եւ անցավ մահանալ»։
