![\"\"](\"https://www.aravot.am/2011/aravot_arm/January/21/p1.jpg\")
Հայաստանում հեռուստատեսության թվայնացումը, որը բերել է անկախ տեղեկատվության հասանելիության սահմանափակման՝ կարող է իշխանությունների համար հակառակ ազդեցությունն ունենալ, քանի որ այդ դեպքում այլընտրանքային անկախ հեռուստաալիքներ են դառնում բլոգերը եւ տարբեր տեսակի սոցիալական ցանցերը: Ըստ «Արմինֆո»-ի՝ երեկ նման կարծիք է հայտնել Ռազմավարական եւ ազգային հետազոտությունների հայկական կենտրոնի տնօրեն Ռիչարդ Կիրակոսյանը՝ Թունիսի վերջին իրադարձություններին նվիրված կլոր սեղանի ժամանակ: Քաղաքագետի խոսքերով, այդ երկրում վերջերս տեղի ունեցած զանգվածային անկարգությունները հիմնականում նախաձեռնվել էին բլոգերների կողմից. «Թունիսի բնակիչների մոտ 10%-ն այսօր գրանցված է Facebook-ում, Twitter-ում, եւ բողոքի զանգվածային ակցիաներին մասնակցության կոչերը հիմնականում փոխանցվում էին այդ ցանցերի միջոցով»:
Կիրակոսյանի կարծիքով, մերժելով «Ա1+»-ի բացումը եւ փակելով ԱԼՄ-ն, ՀՀ իշխանությունները պետք է հասկանան, որ դրանով նրանք ավելի են սրում իրավիճակը՝ միաժամանակ չհասնելով իրենց նպատակին:
