Եգիպտոսի Արաբական Հանրապետությունում Ադրբեջանի դեսպան Շահին Աբդուլաեւը Ադիս-Աբեբայում տեղակայված Աֆրիկյան միության կենտրոնական գրասենյակում իր հավատարմագիրն է հանձնել Աֆրիկյան միության հանձնաժողովի նախագահ Ժան Պինդուին:
Ինչպես հաղորդում է APA գործակալությունը, հավատարմագրի հանձնմամբ, նաեւ Աֆրիկյան միությունում որպես՝ Ադրբեջանի մշտական ներկայացուցիչ դեսպան Աբդուլաեւի նշանակմամբ, Ադրբեջանը ստացել է Աֆրիկյան միության դիտորդի կարգավիճակ: Աբդուլաեւը շեշտել է, թե Ադրբեջանը ՄԱԿ-ի եւ միջազգային այլ կազմակերպությունների մակարդակով ներգրավված լինելով աֆրիկյան պետությունների եւ մարդկությանը հուզող գլոբալ խնդիրների քննարկմանը, Աֆրիկյան միության դիտորդ լինելով, կարող է անմիջականորեն հաղորդակից լինել համաաֆրիկյան խնդիրներին ու մասնակցել դրանց լուծմանը:
