Երեքշաբթի օրը, Իրաքի նախկին բռնապետ Սադամ Հուսեյնի հարազատ քաղաք Տիկրիտում, մահապարտ-ծայրահեղականի կողմից իրաքցի ոստիկանների նկատմամբ իրականացված հարձակման արդյունքում ամենաքիչը 42 մարդ է զոհվել եւ ավելի քան 100-ը վիրավորվել է: Reuters-ի փոխանցմամբ, Տիկրիտի կենտրոնում Իրաքի ոստիկանությունում ծառայության անցնելու ցանկություն հայտնած մարդիկ կանգնած են եղել հերթում, երբ ամբոխի միջից մի տղամարդ, որի վերնազգեստին ամրացված է եղել պայթուցիկ սարք՝ պայթեցրել է իրեն:
Այսուհանդերձ, Իրաքի իրավապահները հայտարարում են, թե երկրում բռնությունների ալիքը նկատելիորեն նվազել է: Դրա «պիկը» եղել է 2006-2007թթ., իսկ ահա ծայրահեղականների հետ փոխհրաձգություններն ու պայթեցումները երկրում շարունակում են մնալ սովորական երեւույթ:
