Անցած շաբաթ օրը՝ հունվարի 15-ին Իջեւան քաղաքից 13 կմ հեռավորությամբ գտնվող «Մայիսյան կամուրջ» ռեստորանում կայացել է Հայաստանի հանրապետական կուսակցության անդամների հավաք-քեֆ: Դրան մասնակցել է ԱԺ 6 պատգամավոր, այդ թվում՝ ԱԺ-ում ՀՀԿ խմբակցության ղեկավար Գալուստ Սահակյանը: Տավուշի մարզի հանրապետական ակտիվիստներին հանձնվել են Սերժ Սարգսյանի ստորագրությամբ պատվոգրեր, հուշանվեր ժամացույցներ:
Այդ կամուրջը հայտնի է իր «բոլշեւիկյան անցյալով». 1920 թվականի նոյեմբերին Կարմիր բանակն այդտեղով է մտել Հայաստան: «Կրիվոյ մոստի»՝ Ծուռ կամրջի մասին հիշատակվում է նաեւ հայտնի «Զանգեզուր» ֆիլմում: Հիշյալ կամրջի կողքին գտնվող «օբյեկտը» Իջեւանի թանկ ռեստորաններից չէ:
