Երեկ ՊՆ-ից ստացած հաղորդագրության մեջ նշված է. «Հունվարի 14-ին եւ 15-ին հայ-ադրբեջանական շփման գծում 2 հայ զինծառայողների վիրավորվելու կապակցությամբ Ադրբեջանական կողմից հրադադարի ռեժիմի շարունակական խախտումները եւ վերջին օրերին 2 հայ զինծառայողների վիրավորվելը խոսում է այն մասին, որ Ադրբեջանը փորձում է ձախողել ղարաբաղյան հակամարտությունը խաղաղ ճանապարհով կարգավորելու ԵԱՀԿ Մինսկի խմբի ջանքերը: Ադրբեջանի ղեկավարությունը իր ռազմատենչ կեցվածքով ու շփման գծում անընդհատ լարվածություն առաջացնելով՝ փորձում է մարտական ոգի հաղորդել պարտության բարդույթ կրող զինվորին՝ մղելով հերոսության: Այդ փորձերը ժամանակավրեպ են: Ադրբեջանցի զինվորը հերոսանալու առիթը վաղուց է բաց թողել»:
