ՀՀ հատուկ քննչական ծառայությունից տեղեկանում ենք, որ ՀՀ հատուկ քննչական ծառայության վարույթում քննվող քրեական գործով ԱԱԾ Արմավիրի մարզային վարչության Էջմիածնի բաժնի ավագ օպերլիազոր Ա. Անտոնյանին մեղադրանք է առաջադրվել պաշտոնեական լիազորությունները չարաշահելու եւ սուտ մատնության համար:
Նախաքննությամբ պարզվել է, որ ՀՀ ԿԱ ԱԱԾ Արմավիրի մարզային վարչության Էջմիածնի բաժնի ավագ օպերլիազոր, մայոր Արայիկ Անտոնյանը, չարաշահելով իր պաշտոնեական լիազորությունները, Էջմիածնի բնակչուհի Մ.-ին դրդել է Գ. Մկրտչյանի նկատմամբ ծանր հանցագործության մեջ սուտ մատնություն կատարելու՝ միաժամանակ ստեղծելով մեղադրանքի արհեստական ապացույցներ:
