ՀՀ ԱՆ «Վարդաշեն» քրեակատարողական հիմնարկում ս.թ. հունվարի 13-ին, ժամը 19:45-ի սահմաններում, կախվելու միջոցով ինքնասպան է եղել դատապարտյալ Վահրամ Հովհաննիսյանը: Դատապարտյալ Վ. Հովհաննիսյանը ծնվել է 1983թ.-ին, դատապարտվել է ՀՀ քրեական օրենսգրքի 104-րդ հոդվածի 2-րդ մասով, 177-րդ հոդվածի 1-ին եւ 2-րդ մասերով եւ 235-րդ հոդվածի 1-ին մասով՝ 13 տարի ժամկետով: Նշանակված պատժից կրել էր 8 տարին: Դեպքի առթիվ կատարվում է նախաքննություն:
