Երկրագնդի վրա ամեն 13-րդ մարդը գրանցված է Facebook-ում, եւ օգտագործողների կեսն ամեն օր օգտվում է սոցցանցից: 18-34 տարեկան ֆեյսբուքցիների 48%-ը շտապում է սոցցանց մտնել առավոտյան արթնանալուն պես, իսկ 28%-ը ստուգում է իր էջը՝ առանց անկողնուց վեր կենալու: Միայն Ամանորին օգտագործողները ներբեռնել են 750 միլիոն լուսանկար: Յուրաքանչյուր 20 րոպեն մեկ սոցցանցում ավելացվում են ավելի քան 2,7 միլիոն նկարներ, տարածվում 1 միլիոն հղում ու «լայքվում» 7,6 միլիոն էջ: Ֆեյսբուքն աշխարհի ամենամեծ սոցցանցն է, որի օգտագործողների թիվը հասնում է 600 միլիոնի:
