Արդեն մի քանի օր է, ինչ Նոր Նորքի 3-րդ զանգվածի բարձրահարկ շենքեր (26, 27 եւ 28) են այցելում անհայտ անձինք: Նրանք ստորագրություններ են հավաքում իրենց իսկ ներկայացմամբ. «2-րդ զանգվածում էլիտար շենք կառուցելու թույլտվություն ստանալու նպատակով»: Բնակիչները երբ հարցում են, թե «Ինչ կապ ունեն 2-րդ զանգվածի հնարավոր շենքի կառուցման հետ», հանդիպում են զայրալից արտահայտությունների. «Դե արի սրանց համար էլիտար կառուցի…»:
3-րդ զանգվածի բնակիչների կարծիքով, իրենց ազգանունները կօգտագործվեն 2-րդ զանգվածի բնակիչների փոխարեն եւ հնարավոր թույլտվության ժամանակ, շինաշխատանքները սկսելիս որեւէ արգելքի հանդիպելիս կասեն՝ դուք չե՞ք հավանության արժանացրել:
