Միանշանակ է, որ ղարաբաղյան կարգավորման բանակցային գործընթացն ընթացիկ տարում կշարունակվի, սակայն զարգացում կլինի, թե ոչ՝ բարդ է կանխատեսել:
News.am-ի մատուցմամբ, այդ մասին երեկ, մամուլի ասուլիսում, հայտարարել է ԱՊՀ երկրների ինստիտուտի մասնաճյուղի ղեկավար Ալեքսանդր Մարկարովը՝ մեկնաբանելով Սուդանի հարավում անկախության հանրաքվեի անցկացումը: Մարկարովը նշել է, որ Հայաստանը եւս մեկ հաղթաթուղթ կստանա, եթե Հարավային Սուդանը հռչակի իր անկախությունը՝ հանրաքվեի արդյունքներով: Ըստ քաղաքագետի, ադրբեջանական կողմը որոշակիորեն անհանգստացած է, քանի որ խոսքը գնում է ոչ թե քաղաքակրթությունների, քրիստոնյաների եւ մահմեդականների բախման, այլ «ժողովուրդների ինքնորոշման իրավունքի կիրառման եւս մեկ նախադեպի մասին»:
