Այսօր, ժամը 12.30-ին, Սուրբ Կաթողիկե եկեղեցում (Աբովյան եւ Սայաթ-Նովա փողոցների խաչմերուկ) կմատուցվի պատարագ՝ ի հիշատակ մարտի 1-ի զոհերի: Նախաձեռնության հեղինակը Հայ ազգային կոնգրեսն է, որը մտադիր է մարտիմեկյան զոհերի հիշատակին հարգանքի տուրք մատուցել հին Նոր տարվա օրը: Արարողությանը մասնակցելու են նաեւ «Մարտի 1»-ի զոհերի հարազատները, որոնցից մեկը՝ Ալլա Հովհաննիսյանը, «Առավոտին» փոխանցեց, թե պատարագից հետո իրենք երթով գնալու են Հայաստանում ԵԽ հայաստանյան ներկայացուցչություն եւ ԵԽ Մարդու իրավունքների գլխավոր հանձնակատար Թոմաս Համմարբերգի հետ հանդիպելու խնդրանքով նամակ են փոխանցելու:
