Վրաստանի հայ համայնքի ներկայացուցիչները՝ Վիրահայոց թեմի առաջնորդ Վազգեն եպիսկոպոս Միրզախանյանի եւ Վրաստանում Հայաստանի դեսպան Հրաչ Սիլվանյանի գլխավորությամբ, հանդիպել են Համայն Վրաստանի կաթողիկոս-պատրիարք Իլյա Երկրորդի հետ: «Ազատություն» ռ/կ-ն վկայակոչելով Վիրահայոց թեմի մամլո դիվանը՝ փոխանցել է, որ Իլյա Երկրորդը ջերմորեն է ընդունել պատվիրակությանը: Նա իր հարգանքը եւ բարեկամական սերն է արտահայտել համայն հայության հանդեպ եւ հորդորել հավատարիմ մնալ դարերից եկող հայ-վրացական եղբայրությանն ու բարեկամությանը, նաեւ հույս է հայտնել, որ միասնական ուժերով կհաղթահարվեն երկու եկեղեցիներին եւ ժողովուրդներին հուզող հարցերը: Նա նաեւ հույս է հայտնել, որ այս տարի կկայանա Ամենայն Հայոց կաթողիկոսի այցը Վրաստան՝ ասելով, թե պատրաստ է ջերմորեն ընդունել Գարեգին Երկրորդին:
Հիշեցնենք, որ Ամենայն Հայոց կաթողիկոսի այցը Վրաստան նախատեսված էր 2010 թվականին, սակայն տարբեր պատճառներով մի քանի անգամ հետաձգվելուց հետո տարվա ընթացքում այդպես էլ տեղի չունեցավ:
