Բասկերի ԷՏԱ անջատողական խմբավորումը հայտարարել է մշտական հրադադար եւ հաշտություն կնքելու իր որոշման մասին: Այդ մասին հաղորդում է BBC-ն՝ վկայակոչելով բասկյան Gara թերթը:
Դեռ 2010թ. սեպտեմբերին խմբավորումը հաղորդել էր Բասկերի երկրի անկախության համար պայքարի շրջանակներում զինված հարձակումները դադարեցնելու իր մտադրության մասին, թեեւ չէր մասնավորեցրել՝ խոսքը մշտակա՞ն, թե՞ ժամանակավոր «հրադադարի» մասին է: Իսպանական կառավարությունն առայժմ որեւէ կերպ չի արձագանքել այս հայտարարությանը:
Հիշեցնենք, որ ԷՏԱ խմբավորումը հիմնադրվել է 1959թ. եւ այդ պահից ի վեր զինված պայքար է մղում Իսպանիայի հյուսիսի եւ Ֆրանսիայի հարավ-արեւելյան շրջանների անկախության համար, որոնք բասկերը համարում են իրենց հողերը: ԷՏԱ-ի երկարամյա զինված պայքարի արդյունքում ավելի քան 620 մարդ է զոհվել:
