Սոմալիի ծովահենների գերության մեջ հայտնված վրացի 15 նավաստիները հայտարարել են, թե ծովում խեղդամահ կլինեն, եթե իրենց ազատ չարձակեն: Trend-ի փոխանցմամբ, այդ մասին հայտարարել են նավաստիների հարազատները, որոնք երկուշաբթի օրը Բաթումում բողոքի ակցիա են անցկացրել: Վերջիններս ասել են, թե տեղեկություն ունեն, որ պատանդները պահվում են անտանելի պայմաններում եւ նրանց հետ վերաբերվում են՝ որպես ստրուկների: Նավաստիների հարազատներն ասել են, թե բողոքի ակցիաները կշարունակվեն այնքան ժամանակ, քանի դեռ նավի տերը կամ Վրաստանի ԱԳՆ-ն չեն կապվել ծովահեննեերի հետ՝ պատանդներին ազատ արձակելու բանակցություններ վարելու նպատակով:
Հիշեցնենք, որ վրացի նավաստիները գերեվարվել են անցյալ տարվա օգոստոսի 1-ին, նրանց ազատ արձակման համար ծովահենները պահանջել են 1 մլն դոլար:
