Մերձավոր Արեւելքի եւ Ասիայի մի շարք երկրներ ներառող Տնտեսական համագործակցության կազմակերպությունը (ՏՀԿ), որի գագաթաժողովն անցնում էր Ստամբուլում, նոր նախագահ է ընտրել Թուրքիայի նախագահ Աբդուլա Գյուլին: Այս մասին հայտարարել է Իրանի նախագահ Մահմուդ Ահմադինեջադը, ով մինչ այս ղեկավարում էր հիշյալ կառույցը: News.am-ի մատուցմամբ, Թուրքիայի նախագահական Չրաղան պալատում Աբդուլա Գյուլը դիմավորել է ՏՀԿ անդամ երկրների ղեկավարներին:
Թուրքիայում տեղի ունեցած գագաթաժողովին մասնակցել են Աֆղանստանի նախագահը եւ ԱԳ նախարարը, Ադրբեջանի նախագահը եւ ԱԳ նախարարը, Իրանի նախագահը եւ արտգործնախարարի ժամանակավոր պաշտոնակատարը, Ղազախստանի վարչապետը, Ղրղըզստանի նախագահը, Պակիստանի նախագահը, Տաջիկստանի նախագահը, Թուրքմենստանի եւ Ուզբեկստանի ներկայացուցիչները՝ ավելի ցածր մակարդակով:
