Երեւանում բացվող դելֆինարիայի առիթով ուկրաինացի էկոլոգները մտադիր են բողոքի ակցիա անցկացնել Կիեւում: Այն տեղի կունենա դեկտեմբերի 24-ին: Այդ օրը նախատեսվում է Երեւանի դելֆինարիայի բացումը:
Այս մասին հայտնում է Էկոլոգիական հասարակական դաշինքը: Ըստ դաշինքի, Կիեւի էկոլոգների նամակում նշված է, որ այդ կերպ նրանք ցանկանում են աջակցել հայ գործընկերներին, որոնք հանդես են գալիս ի պաշտպանություն դելֆինների: «Էկոլուրի» տեղեկացմամբ՝ իրենց հերթին էլ հայ ակտիվիստները մտադիր են բողոքի ակցիա անցկացնել նույնպես դեկտեմբերի 24-ին, ժամը 13:00-ին, Կոմիտասի անվան զբոսայգում, դելֆինարիայի հարեւանությամբ:
