ՀՀ վերաքննիչ քրեական դատարանը անփոփոխ թողեց Լոռու մարզի ընդհանուր իրավասության դատարանի՝ Վանաձորի բնակիչներ Հ. Խոդիկյանի եւ Ա. Հարությունյանի համար կայացրած արդարացման դատավճիռը:
Հիշեցնենք, որ վանաձորցիները մեղադրվում էին ապօրինի թմրամիջոց ձեռք բերելու, պատրաստելու եւ պահելու մեջ: Նախաքննությունը, պաշտպան Ռ. Հակոբյանի խոսքերով, անցել էր բազմաթիվ խախտումներով, սակայն Լոռու մարզի առաջին ատյանի ընդհանուր իրավասության դատարանը՝ ի դեմս դատավոր Նարինե Հովակիմյանի, քննելով գործի բոլոր հանգամանքները, արդարացրել էր տղաներին: «Դատախազի՝ ՀՀ վերաքննիչ դատարան ներկայացրած բողոքը մերժվեց անհիմն ու չպատճառաբանված լինելու հիմքով, բողոքում ոչ մի իրավական հիմնավորումներ չկային»,- տեղեկացրեց Ա. Հարությունյանի պաշտպան Ռ. Հակոբյանը:
