«Առավոտի» խնդրանքով անդրադառնալով այն հանգամանքին, որ Դատական ակտերի հարկադիր կատարման ծառայության ղեկավար Միհրան Պողոսյանը մինչ այժմ շարունակում է պաշտոնավարել, եւ ՀՀ նախագահը չի արձագանքում այն փաստին, որ նա մարդ է ծեծել՝ ՀՀԿ խմբակցության ղեկավար Գալուստ Սահակյանն ասաց. «Սա աշխատանքային կարգապահության՝ տույժի խնդիր է եղել, եւ ոչ թե ազատման»: Ճշտմանը, թե ծեծելու համար միայն տույժի՞ են ենթարկում՝ նա այսպես արձագանքեց. «Խոսում են ծեծի մասին: Բայց նախ եւ առաջ՝ ծեծի բնութագիրը չկա, ոչ էլ որեւէ մեկը կա, որ ասի՝ ինձ ծեծել են»:
