Երեկ՝ կառավարության նիստի օրը, կառավարության շենքի մոտ հավաքված մի խումբ մարդիկ կրկին բողոքի ակցիա էին անցկացնում: Նրանք առանձնապես ոչ մի սպասելիք չունեին այս օրերին հանրապետությունում կատարվող պաշտոնների փոփոխություններից: Հանուն պետական շահի իրենց բնակարաններից վտարվածները, ՀՀ մի շարք զորամասերի զոհված զինծառայողների ծնողները, բանկերից խաբված մի խումբ ավանդատուներ կառավարությունից պահանջում էին՝ տեր կանգնել սեփական քաղաքացիներին եւ վերականգնել ոտնահարված իրավունքն ու արդարությունը: Ցուցարարների կարծիքով, մինչեւ երկրում իշխանափոխություն չլինի, ոչ մի հարց հօգուտ ժողովրդի չի լուծվի:
