Պետեկամուտների կոմիտեի պետի տեղակալ Արթուր Աֆրիկյանը երեկ կառավարության նիստում այդպես էլ չներկայացրեց նախատեսված լրացուցիչ հարցերը: Թեեւ նիստը դեռ չսկսած նա վարչապետ Տիգրան Սարգսյանին խնդրեց ներկայացնելու հնարավորության մասին: Բայց ավելի ուշ պարոն Աֆրիկյանը պարզաբանեց, թե ավելի լավ է հաջորդ նիստում ներկայացնի: Վարչապետ Տիգրան Սարգսյանն էլ կեսկատակ-կեսլուրջ հարցրեց. «Կառավարության հաջորդ նիստի՞ն, թե՞ հաջորդ կառավարության նիստին»:
Կառավարության մեկ այլ որոշմամբ, երկարաձգվեց ռուսական «Գազպրոմ» ընկերության հետ 2006-ին կնքված պայմանագրով ապրանքների ներմուծումը «Ժամանակավոր ներմուծում» ռեժիմով: Ապրանքների ներմուծումն իրականացվում է «ՀայՌուսգազարդի»՝ Հրազդանի ՋԷԿ-ի 5-րդ էներգաբլոկի շինարարության ավարտի եւ արդիականացման ծրագրի շրջանակներում:
