Ամանորի նախօրեին բոլորի կողմից սիրված odnoklassniki.ru սոցիալական կայքը անակնկալ է մատուցել իր այցելուների համար: Ինչպես հայտնի է՝ odnoklassniki.ru-ի որոշ ծառայություններ վճարովի են: Մասնավորապես՝ «5+» գնահատականը կամ լրացուցիչ սմայլիկների պատվիրումը: Նախկինում դրանք կարելի էր պատվիրել ամսական 1000 դրամ (մոտ 2,8 դոլար) վճարելով՝ բջջային հեռախոսից ուղարկելով համապատասխան SMS: Բջջային հեռախոսի միջոցով պատվերների դեպքում դրանք այսուհետեւ կարժենան 3000 դրամ՝ 30 օրվա համար: Իսկ վիրտուալ նվերների համար եթե նախկինում 1 SMS-ի միջոցով հնարավոր էր 3 նվեր մատուցել, այժմ միայն մեկի համար ես 1000 դրամ արժողությամբ հաղորդագրություն ուղարկում: Օdnoklassniki.ru-ի ծառայությունները թանկացել են գրեթե 3 անգամ:
